საწარმოო დანიშნულებით კომპოსტის გამოყენება
მოსავლიანობის ზრდა დიდწილად დამოკიდებულია ნიადაგში ორგანული მასის შემცველობაზე.
კომპოსტი ხანგრძლივი მოქმედების ორგანული სასუქია. ფერმერი კომპოსტის გამოყენებით დებს ინვესტიციას მიწის პდორუქტიულობის გაზრდაში მინიმუმ შემდეგი 3-4 წლის განმავლობაში.
მცენარეების დარგვა-გადარგვა, ბაღის/ვენახის გაშენება
ღია გრუნტში დარგვისას ან გადარგვისას კომპისტი შეურიეთ ორმოდან ამოღებულ მიწას პროპორციით 1 წილი კომპოსტი 2 წილ მიწას.
ვენახი
1 ჰექტარზე საჭიროა დაახლოებით 12-18 ტონამდე კომპოსტი. შემდეგი 2-3 წლის განმავლობაში შეგიძლიათ შეიტანოთ ზემოთ აღნიშნული დოზირების ნახევარი, ხოლო შემდეგ ისევ თავიდან შეიტანოთ 12-18 ტონა 1 ჰექტარზე.
კომპოსტი შეგიძლიათ დაუყაროთ მცენარეს ძირებში ან დაყაროთ რიგებს შორის. დაყრის შემდეგ კომპოსტი უნდა ჩაიბაროს ნიადაგში.
ხეხილი, თხილი, ნუში, ციტრუსი
კომპოსტი უნდა შეიტანოთ 3-4 კგ. ერთ ნერგზე. ნერგის ძირის გარშემო დაყრის შემდეგ კომპოსტი უნდა ჩაიბაროს.
ხორბალი, სიმინდი
ხორბლის და სიმინდის შემთხვევაში ერთ ჰექტარზე უნდა შეიტანოთ საშუალოდ 15 ტონა კომპოსტი. შეტანა უნდა მოხდეს მიწის დამუშავების წინ, ნაკელის/კომპოსტის გამფანტველი დანადგარით.
ბოსტნეული
ბოსტნეულის კულტურებში რეკომენდირებულია კომპოსტის შემდეგი ოდენობებით შეტანა:
- სატაცური - 7-8 ტონა კომპოსტი ჰექტარზე
- პომიდორი - 8-10 ტონა კომპოსტი ჰექტარზე
- სტაფილო - 9-12 ტონა კომპოსტი ჰექტარზე
- ხახვი - 10-15 ტონა კომპოსტი ჰექტარზე
- ყვავილოვანი კომბოსტო - 12-20 ტონა კომპოსტი ჰექტარზე
კენკრა
კენკროვანი კულტურების შემთხვევაში 1 ჰექტარზე უნდა შევიტანოთ 10-15 ტონა კომპოსტი.
კარტოფილი
კომპოსტი უნდა შეიტანოთ 10-15 ტონა 1 ჰექტარზე. კომპოსტის შეტანა უნდა მოხდეს მიწის დამუშავების წინ.
