მულჩის სახით კომპოსტის დამატება ბაღებში, ხეების და ბუჩქების გარშემო
კომპოსტის მულჩის შეტანა მცენარის ძირში და მის გარშემო გაცილებით ამცირებს წყლის აორთქლებას ნიადაგიდან, ამცირებს ნიადაგის ეროზიას, ამცირებს მცენარის გარშემო სარეველების გამრავლებას, ასევე ამცირებს ნიადაგში ტემპერატურულ მერყეობას.
კომპოსტი ზრდის ორგანული მასის შემადგენლობას ნიადაგში და შესაბამისად ზრდის ნიადაგის პროდუქტიულობას.
კომპოსტის მულჩი სეზონის ცივ პერიოდში ხელს უწყობს ნიადაგში სითბოს შენარჩუნებას, გაზაფხულზე მცენარის ფესვის სწრაფ ზრდას, ზაფხულში კი აფერხებს ნიადაგის გამოშრობას.
ყველაზე ოპტიმალურ მულჩს წარმოქმნის ნიადაგის ზედაპირზე დაახლოებით 6 სმ სისქის ფხვიერი კომპოსტის ფენა.
ნაბიჯი 1:
თანაბრად გაანაწილეთ 4-6 კგ. კომპოსტი ერთ კვადრატულ მეტრ ნიადაგზე.
ნაბიჯი 2:
კომპოსტი შეიძლება დაიყაროს ბორბლებიანი ურიკიდან ან თვითმცლელი მანქანიდან.
მცირე ზომის პროექტებისთვის უფრო მოსახერხებელია ტომრებში დაფასოებული კომპოსტის გამოყენება.
ნაბიჯი 3:
ფრთხილად გაანაწილეთ კომპოსტი ხეების, ბუჩქების და სხვა მცენარეების გარშემო. გამოიყენეთ ნიჩაბი და ფოცხი.
ნაბიჯი 4:
კომპოსტი გადაანაწილეთ თანაბრად ფორცხით ნიადაგის ზედაპირზე რომ შექმნათ თანაბარი და მყარი მულჩის საფარი.
ნაბიჯი 5:
ხეების და ბუჩქების შემთხვევაში კომპოსტი იყრება მცენარის ღეროს გარშემო (იხ. სურათი) და არ უნდა ეხებოდეს ღეროს
ნაბიჯი 6:
მას შემდეგ რაც მულჩი შეტანილია ნიადაგის ზედაპირზე, უნდა მოხდეს მისი მორწყვა და ამგვარად კომპოსტის მულჩის ადგილზე დაფიქსირება.
